MUSOG

“Cal é o mellor documental de rock de tódolos tempos?”

Esa é a pregunta que a revista en liña Indiewire realizou a unha serie de prestixiosos críticos musicais, que aportaron polo visto un montón de posibles respostas. Parécenos un enlace interesante se che gusta a música ou o cine ou ámbalas dúas cousas. Así que se che dá curiosidade accede a este enlace e poderás enterarte de qué merece a pena coñecer.

E saíron á rúa o pasado 23 de setembro en 16 cidades españolas simultaneamente, nun concerto protesta contra os recortes que están levando a moitas destas importantísimas institucións culturais a pasar por momentos moi difíciles.

A peza elexida para abrir este marabilloso concerto gratuito e ó aire libre foi a alegre obertura da ópera de Gioacchino Rossini “La gazza ladra”, da que vos podedes deleitar no seguinte vídeo protagonizado pola Orquestra Ciudad de Granada precisamente tal día en cuestión.

Boas! Que tal de verán e período vacacional?

Esperamos que fose de descanso para comezar con forza renovada este curso 2013-2014. Para ir abrindo boca facémosvos unha suxestión de lectura divertida (penso que no pasado xa foi suxerida pero buuufff… non lembro). Trátase dun cómic sobre a historia da música, quizais por contidos é máis axeitado ó alumnado de 3º da ESO pero seguro resulta interesante para todos @s alumn@s musicais (e non musicais, of course, ;))

Preme na imaxe e a disfrutar!

Casas de Música.
Así se chama un proxecto que veño de coñecer e que vos quería amosar.
A idea é moi sinxela: a celebración de concertos en casas particulares. Músicos, público, e unha persoa que cede a súa casa para acoller o concerto.
Ademais de sinxela é unha idea pouco orixinal. Durante moitísimo tempo as casas particulares (os pazos da burguesía, da aristocracia, dos ricos mecenas…) foron o lugar onde se escoitaba a música. De ahí precisamente nace a expresión “música de cámara” (música en habitacións, en salóns privados).
Pois con todo ser sinxela e pouco orixinal, a min particularmente paréceme unha idea xenial. Recuperar eses concertos nos que público e músicos están próximos, uns a carón dos outros. Música “á orella” como lles gusta dicir a uns amigos meus.
E tamén me encanta a filosofía que subxace neste proxecto: unha iniciativa cidadán pola música. Os particulares toman a iniciativa da organización e da promoción cultural.
E por certo, tócannos ben cerca: mañá luns un destes concertos en Arneiro (Cospeito).
Anímovos a coñecer máis sobre este proxecto.

 Esta fin de semana estréase unha película-documental sobre unha escola de música municipal na localidade barcelonesa de Sant Andreu. A historia é a dun grupo de alumnos e alumnas dirixidos por un gran músico de jazz, Joan Chamorro: dende que este iniciara as clases de combo instrumental con só dos seus 7 alumnos de saxofón xa cambiaron moito as cousas para estes rapaces, que agora son máis de 20 e teñen percorrido unha importante traxectoria musical e vital sendo un referente para as escolas de música e para o jazz.

 Animádevos a ver o trailer e despois o filme, unha mostra de como a música é esencial para a formación integral das persoas e de como con esforzo, traballo, paixón e ilusión postos no que che gusta se poden conseguir grandísimas cousas.

Aló polo 7 de marzo de 2009 publicabamos una entrada neste mesmo blogue titulada “Fantástica Máquina Musical?”

Tratábase dun vídeo que amosaba una curiosa máquina que con precisión milimétrica lanzaba unas pequenas bolas;  estas  impactaban contra cordas, membranas e elementos metálicos que, percutidos deste curioso xeito remataban por facer una fermosa música.

Pois ben, o dito vídeo xa non está (ai sí! agora non vos queixedes… Tivestes catro anos para velo!!!). Pero estes días enviáronme un vídeo que me recordou a aquel, e que me gustaría compartir con vós de novo. Esta vez xa non imos preguntar se vos parece real ou non. Simplemente disfrutade desta máquina perfectamente sincronizada na que unhas púas que semellan cabezas de pterodáctilo pulsan as cordas, mentres unhas patas aracnoides se encargan dos trastes deste alambicado e complexo “instrumento”.

Sempre me fascinou o debuxo e a facilidade que algunha xente ten para facer trazos con sentido e beleza.

No seguinte vídeo podedes disfrutar do debuxo e mais da historia da música, explicada precisamente a través das ilustracións. Moi entretida!